Vuçiq thërret mbledhje urgjente – Niset për në bazën e Rashkës, afër kufirit me Kosovën

Mediat serbe raportojnë se Presidenti i Serbisë, Aleksandër Vuçiq, është nisur për në bazën ushtarake të Rashkës, në kufi me Komunën e Leposaviçit, ku thuhet se do të takojë përfaqësuesit politikë të komunave serbe në Kosovë.

Ky takim, siç shkruajnë mediet e afërta me qeverinë e Serbisë, është takim urgjent i thirrur nga vetë Presidenti i Serbisë, Aleksandër Vuçiq.

“Pas skenave dramatike në Mitrovicë e Veriut dhe inkursionit të njësive speciale, që kulmuan me plagosjen e serbëve nga forcat speciale shqiptare.
Presidenti serb Aleksandar Vuçiq vendosi të takohet urgjentisht me përfaqësuesit e popullit tonë në Kosovë”, shkruajnë mediet serbe.

Këtë mbledhje në bazën ushtarake të Serbisë afër kufirit me Kosovën, e konfirmoi Presidenca e Serbisë për agjensinë e lajmeve serbe Tanjug.

Leave a Reply

Your email address will not be published. Required fields are marked *